கொழும்பில் வீதியில் பயணிப்போருக்கு விடுக்கப்பட்டுள்ள எச்சரிக்கை!

கொழும்பில் கடுமையான வானிலை நிலவுவதால், பல வீதிகள் தற்காலிகமாக மூடப்பட்டுள்ளதாக தெரிவிக்கப்படுகிறது. பலத்த மழை மற்றும் வலுவான காற்று காரணமாக, சில வீதிகளில் மரங்கள் விழுந்ததால் போக்குவரத்துக்கு தடை ஏற்பட்டுள்ளது.

இதனையடுத்து, கொழும்பு நகரத்தில் பயணிக்க உள்ளவர்கள் முன்னெச்சரிக்கையுடன் செயல்படுமாறு அறிவுறுத்தப்பட்டுள்ளனர். தடை செய்யப்பட்ட வீதிகளின் விபரங்கள் இதுவரை வெளியிடப்படவில்லை என்பதால், பொதுமக்கள் தங்களது பயண திட்டங்களை திட்டமிட்டு, சாலைகளில் வாகனங்களில் பயணிக்கும் போது அத்தியாவசிய பாதுகாப்பு நடவடிக்கைகளை மேற்கொள்ள வேண்டும்.

மேலும், மேல், சப்ரகமுவ, மத்திய, தெற்கு, வடக்கு, வடமத்திய மற்றும் வடமேற்கு மாகாணங்கள் மற்றும் திருகோணமலை மாவட்டத்தில் மணிக்கு 50-60 கிலோமீற்றர் வேகத்தில் பலத்த காற்று வீசக்கூடும் என வானிலை ஆய்வு மையம் எச்சரித்துள்ளது.