இன்று கவிழ்ந்து விபத்தில் சிக்கிய பேருந்து தொடர்பில் வெளியான தகவல்

கண்டி நோக்கிப் பயணித்த பேருந்து ஒன்று கவிழ்ந்து ஏற்பட்ட விபத்தில் 15 பேர் காயமடைந்துள்ளனர்.

வத்தேகம டிப்போவைச் சேர்ந்த பேருந்து குடுகல பகுதியில் இருந்து வத்தேகம வழியாக கண்டி நோக்கி பயணிக்கும்போது, அரலிய உயன பகுதியில் இன்று (03.07.2025) இந்த விபத்து இடம்பெற்றது.

விபத்தில் காயமடைந்தவர்களில் 8 பேர் வத்தேகம வைத்தியசாலையில் அனுமதிக்கப்பட்டுள்ள நிலையில், மற்றவர்களுக்கு இடைமறியாத சிகிச்சை வழங்கப்பட்டு வருகின்றது.

விபத்து நேரத்தின் போது, பேருந்தில் சுமார் 25 பயணிகள் இருந்ததாக தெரிவிக்கப்படுகிறது. சாரதியின் இருக்கை அருகிலுள்ள கதவு திடீரென திறந்ததை சரிசெய்ய முயன்றபோது, பேருந்து கட்டுப்பாட்டை இழந்து வீதியைவிட்டு விலகி, ஒரு வீட்டு பக்கமாக கவிழ்ந்துள்ளதாக முதற்கட்ட தகவல்கள் தெரிவிக்கின்றன.

விபத்தில் குறித்த வீடு சேதமடைந்ததோடு, காயமடைந்தவர்களின் நிலை தீவிரமற்றதாக கூறப்படுகிறது. மேலதிக விசாரணைகளை பொலிஸார் மேற்கொண்டு வருகின்றனர்.