இலங்கையில் தேங்காய் விலையில் தொடர் வீழ்ச்சி!

நாடளாவிய உள்ளூர் சந்தையில் தேங்காய் விலை தொடர்ந்து வீழ்ச்சியடைந்துவருவதால், விற்பனை அதிகரித்து வருவதாகவும், இதன் மூலம் தங்கள் வருமானம் உயரும் என வியாபாரிகள் தெரிவித்துள்ளனர்.

கடந்த சில மாதங்களில் ஒரு தேங்காய் ரூ.220க்கு விற்கப்பட்டிருந்த நிலையில், தற்போது ரூ.100 முதல் ரூ.170 வரை விற்பனை செய்யப்படுகிறது.

சில வியாபாரிகள் கூறுவதாவது, முற்போக்கு காலத்தில் அதிக இலாபத்தை நோக்கி விற்பனை செய்ததால், தேங்காய் விற்பனை குறைந்து, வருமானமும் பாதிக்கப்பட்டது எனவும், தற்போது விலை குறைந்ததால் விற்பனையில் வேகமான வளர்ச்சி ஏற்பட்டுள்ளதாகவும் தெரிவித்தனர்.

மேலும், எதிர்வரும் மாதங்களில் தேங்காய் விலை மேலும் குறைவடையும் வாய்ப்பு உள்ளதாகவும், தற்போது சந்தையில் தேவை அளவுக்கு மேற்பட்ட உற்பத்தி உள்ளதால் இவ்வாறு விலை குறைந்து வருவதாகவும் அவர்கள் சுட்டிக்காட்டுகின்றனர்.