இன்று வடக்கு, கிழக்கு பகுதிகளில் ஹர்த்தால் அனுஷ்டிப்பு!

வடக்கு மற்றும் கிழக்குப் பகுதிகளில் அதிகரித்துள்ள இராணுவம் சார்ந்த செயற்பாடுகள் மற்றும் சட்டவிரோத நடவடிக்கைகளை எதிர்த்து, இலங்கை தமிழரசுக் கட்சி அழைப்பு விடுத்த நிர்வாக முடக்கல் போராட்டம் இன்று (17) முன்னெடுக்கப்படவுள்ளது.

இதற்கமைய, இன்று நண்பகல் வரை மட்டுமே நிர்வாக முடக்கலை மேற்கொள்ளுமாறு, இலங்கை தமிழரசுக் கட்சியின் பதில் பொதுச் செயலாளர் எம்.ஏ. சுமந்திரன் தெரிவித்துள்ளார்.

பல தரப்பினரிடமிருந்து கிடைத்த கோரிக்கைகளின் அடிப்படையில் இந்த நிர்வாக முடக்கல் போராட்டத்திற்கான தீர்மானம் எடுக்கப்பட்டுள்ளதாக,  இலங்கை தமிழரசுக் கட்சியின் பதில் பொதுச் செயலாளர் எம்.ஏ. சுமந்திரன் தெரிவித்துள்ளார்.

இந்த அழைப்புக்கு சில அரசியல் கட்சிகள் மற்றும் பொது அமைப்புகள் ஆதரவு தெரிவித்துள்ளன என்றாலும், பல அமைப்புகள் இதற்குத் திறந்தவெளியான எதிர்ப்பையும் தெரிவித்துள்ளன. இந்தநிலையில், நிர்வாக முடக்கல் போராட்டத்திற்கான அழைப்புக்கு எதிராக,  இலங்கை தமிழரசுக் கட்சியின் பிரித்தானிய கிளையும் தனது அதிகாரப்பூர்வ எதிர்ப்பை வெளியிட்டுள்ளது.

இந்தநிலையில், நிர்வாக முடக்கல் போராட்டத்திற்கான அழைப்புக்கு இலங்கை தமிழரசுக் கட்சியின் பிரித்தானிய கிளை தனது எதிர்ப்பை வெளிப்படுத்தியுள்ளது.  ஒருசிலரின் தனிப்பட்ட மற்றும் தன்னிச்சையான செயற்பாடுகளை எப்போதும் ஏற்க முடியாது எனவும், அந்த கிளை வெளியிட்டுள்ள அறிக்கையில் குறிப்பிடப்பட்டுள்ளது.  

இதேவேளை, யாழ்ப்பாணம் பல்கலைக்கழக மாணவர் ஒன்றியம், எம்.ஏ. சுமந்திரன் வெளியிட்ட நிர்வாக முடக்கல் போராட்ட அழைப்பிற்கு எந்தவொரு ஆதரவும் வழங்கப்பட மாட்டாது எனத் தெரிவித்துள்ளது. அத்துடன், வடக்கு மற்றும் கிழக்கு மாகாணங்களில் முன்னெடுக்கப்படவுள்ள இந்த நிர்வாக முடக்கல் போராட்டத்தை, அரசாங்கமும் கடுமையாகக் கண்டித்துள்ளது.