கல்வி சீர்திருத்தங்கள் தொடர்பில் எதிர்க்கட்சிகள் முன்வைத்துள்ள கோரிக்கை

கல்வி சீர்திருத்தங்கள் தொடர்பில் எதிர்க்கட்சிகள் முன்வைத்துள்ள கோரிக்கை

கல்வி சீர்திருத்தங்களை மேற்கொள்ளும் போது, முந்தைய அரசாங்கங்களின் திட்டங்களை ஆய்வுசெய்து, தேவையான இடங்களில் பொருத்தமான மாற்றங்களைச் சேர்க்க வேண்டும் என எதிர்க்கட்சிகள் வலியுறுத்தியுள்ளன.

இந்த கோரிக்கையை, ஐக்கிய மக்கள் சக்தியின் நாடாளுமன்ற உறுப்பினர் ரோஹிணி கவிரத்ன மற்றும் முன்னாள் கல்வி அமைச்சர் அகில விராஜ் காரியவசம் ஆகியோர் எழுப்பியுள்ளனர்.

கல்வி என்பது நீடித்த வளர்ச்சியை நோக்கி செல்ல வேண்டியதொரு துறையாக இருப்பதால், அரசாங்கம் மாற்றமெல்லாம் முற்றிலும் புதிதாகவே தொடங்காமல், முந்தைய நல்ல திட்டங்களை தொடரும் வகையிலும், அவசியமான சீர்திருத்தங்களைச் செய்யவேண்டும் என அவர்கள் தெரிவித்துள்ளனர்.

இந்நிலையில், புதிய கல்வி சீர்திருத்தங்களின் கீழ், பாடசாலை நேரம் முப்பது நிமிடங்கள் நீடிக்கப்படும் என கல்வி அமைச்சர் மற்றும் பிரதமர் ஹரிணி அமரசூரிய அறிவித்துள்ளார்.

இதன்படி, ஒரு பாடத்திற்கான நேரம் 45 நிமிடங்களாக உயர்த்தப்பட்டுள்ளதாக அவர் தெரிவித்துள்ளார்.  

“மாணவர்களுக்கு விரைவில்லாமல் கற்றலிலும், ஆசிரியர்களுக்கு போதுமான நேரத்தில் கற்பித்தலிலும் ஈடுபடும் வாய்ப்பு கிடைக்கவேண்டும்” என்பதே இந்த மாற்றத்தின் நோக்கமாக அவர் கூறினார்.

அத்துடன், ஆரம்பத்தில் பாடசாலைகள் காலை 8.00 மணி முதல் மாலை 4.00 மணி வரை இயங்குமாறு முன்மொழியப்பட்டதாகவும்,  

ஆனால் முப்பது நிமிட நீட்டிப்பே தற்போது செயல்படுத்தப்படுவதாகவும் அமரசூரிய விளக்கமளித்தார்